سومالیا کې د چاودنې له امله پنځه کسان مړه او ۲۰ نور ټپیان شوي

د راپورونو له مخې، د سومالیا ولسمشرۍ ماڼۍ ته نږدې د یوه موټربم چاودنې له امله پنځه کسان مړه او ۲۰ نور ټپیان شوي.

رویټرز اژانس راپور ورکړی چې یاده چاودنه پرون شپه (یک‌شنبه) د سومالیا په پلازمینه موګادیشو کې د یوه رسټورانټ مخې ته وشوه.

د راپور له مخې، یادې چاودنې نږدې ۱۰ موټرونه تخریب کړي او د ولسمشرۍ ماڼۍ ته څېرمه خوندي سیمه کې یې څو ودانیو ته زیان اړولی دی.

ورته مهال، راپور کې راغلي چې د «الشباب» شبه‌نظامیانو ډلې د یاد برید مسوولیت پر غاړه واخیست او ویې ویل، دوی هغه ځای پر نښه کړی چې په کې د یاد هېواد امنیتي چارواکو یو له بل سره لیدنه کوله.

Views: 9