د کډوالو او راستنېدونکو چارو وزارت وايي، ۱۳ افغانان چې د قانوني اسنادو نه درلودلو له امله په پاکستان کې نیول شوي وو، خوشي او هېواد ته راستانه شول.
یاد وزارت نن (چهارشنبه، د چنګاښ ۱۳مه) پر خپله اېکسپاڼه لیکلي چې یاد ۱۳ کسان د پاکستان له زندانونو څخه له خوشي کېدو وروسته پرون بېرته هېواد ته راستانه شول.
سرچینې لیکي چې یاد کسان د قانوني اسنادو نه درلودلو له امله له یوې میاشتې تر لسو کلونو د هغه هېواد په زندانونو کې بندیان وو چې له خوشې کېدو وروسته د انترپول پولیسو په واسطه د تورخم له لارې هېواد ته راوګرځېدل او د مرستې ترلاسه کولو په موخه د کډوالۍ نړۍوال سازمان (ایاواېم) ته وروپېژندل شول.
Views: 15
