د مکسیکو په تاریخ کې په لومړي ځل یوه ښځه په سراسري ټاکنو کې له بریا وروسته د دغه هېواد ولسمشره وټاکل شوه.
اسوشېټېډ پرس راپور ورکړی چې نن دوشنبې د مکسیکو د ولسمشریزو ټاکنو پایلې اعلان شوې او کلوډیا شینباوم ۵۸.۳ تا ۶۰.۷ سلنه رایې تر لاسه کړي، د دغه هېواد په ۲۰۰ کلن تاریخ کې په لومړي ځل یوې ښځې د دغه هېواد واګې په لاس کې واخیستې.
شینباوم چې له دې مخکې د سيټي مکسیکو ښارواله وه، د خپل حکومت شپږ کلنه دوره به د روان کال د اکتوبر په لومړۍ پیل کړي.
هغې د ټاکنو له لومړنیو ارقامو خپرېدو وروسته ویلي: «موږ و ښودله چې مکسیکو یو دموکراتیک هېواد دی.»
د یادونې ده چې مکسیکویانو تېره ورځ (د یکشنې په ورځ د غبرګولي په ۱۳مه یوې تاریخي ټاکنه کې برخه واخیسته.
Views: 14
