د اسټرالیا پولیس وايي چې د دغه هېواد په سیډني ښار کې پنځه کسان د چاقو په وسیله برید کې وژل شوي دي.
الجزیرې شبکې نن راپور ورکړی چې یوه سړي د “وېسټ فیلډ” په سوداګریز مارکېټ کې پر نهو کسانو د چاقو برید وکړ چې په پایله کې یې پنځه کسان ووژل شول.
پولیس وايي، برید کوونکی یې پر ډزو وژلی او په خبره یې چې د نوموړي هویت تر اوسه نه دی معلوم.
د پولیسو په وینا، تراوسه د دغې پېښې لامل نه دی معلوم او نه یې چا مسوولیت منلی دی.
د وژل شوو کسانو د هویت په اړه سرچینې څه نه دي ویلي.
Views: 10
