د ټایوان دولت د دغه هېواد په ختیځ کې د رېښتر په کچه د ۷،۴ درجې زلزلې خبر ورکوي او د سونامي رامنځته کېدو له احتماله یې خبرداری ورکړی دی.
رویټرز راپور ورکړی چې دغه زلزله نن سهار (چهارشنبه) د ټایوان ختیځ لړزولی او د دغه هېواد حکومت اعلان کړی چې دغه زلزله ښايي د سونامي رامنځته کېدو لامل شي.
د امریکا د زلزله پېژندنې ادارې ویلي چې د دې زلزلې مرکز د ټایوان سوېل ته په ۱۸ کیلومترۍ کې «هوالین» ښار دی او د ۳۴.۸ په ژوروالي یې ځمکه لړزولې ده.
تر دې دمه د یادې زلزلې له امله د اوښتو زیانونو په اړه څه نه دي ویل شوي خو زیاته شوې چې په تېرو ۲۵ کلونو کې په ټایوان کې دا تر ټولو زوروره زلزله ده.
دا په داسې حال کې ده چې له دې مخکې په ۲۰۱۶ میلادي کال کې د ټایوان په سوېل کې د یوې زلزلې له امله ۱۰۰ کسان مړه شوي وو.
Views: 5
