د تایلنډ په کوربهتوب د څلورو هېوادونو ترمنځ د فوټسال سیالیو په لړ کې افغانستان له کوربه تایلنډه لوبه بایلوده.
د افغانستان فوټبال فدراسیون پر خپله فېسبوکپاڼه لیکلي چې د افغانستان فوټسال ملي لوبډله نن له ټایلنډ سره لوبه ترسره کړه.
سرچینې زیاته کړې، چې لومړی تایلینډ دوه ګولونه ووهل، خو ورپسې افغانستان وکولی شول چې دوه ګولونه ووهي او لوبه مساوي شوه، خو وروسته تایلینډ درېیم ګول وواهه او دغه راز دا لوبه یې درې پر دوه ګولونه وګټله.
د فوټبال فدراسیون د معلوماتو له مخې، په دغو لوبو کې د کوربه هېواد ټایلنډ په کډون د اسټرالیا، مالیزیا او افغانستان لوبډلو برخه اخيستې ده.
د معلوماتو له مخې، افغانستان په دغو لوبو کې د جدول په سر کې ځای لري.
د یادونې ده، په دغو لوبو کې افغانستان اسټرالیا ته ماتې ورکړې او له مالیزیا سره یې لوبه مساوي شوې ده.
Views: 10
