ترکیې اعلان کړی چې تېر ۲۰۲۳ میلادي کال کې ترکیه کې د کار پر مهال د پېښو له امله ۱۸ افغانانو ژوند له لاسه ورکړی دی.
ترکي رسنیو د دغه هېواد د ژغورنې او مسلکي روغتیا شورا له قوله راپور ورکړی چې تېر میلادي کال دغه هېواد کې د کار پر مهال د شوو پېښو له امله ۱۹۳۲ بهرني کارګر مړه شوي دي.
په راپور کې راغلي چې ۱۰۶ بهرني کارګر د افغانستان، ایران، سوریې، ترکمنستان، عراق، بلغارستان، اذربایجان، روسیه، مصر، جاپان، کلمبیا، تاجکستان، رومانیا، نایجریا او سودان هېوادونو وګړي دي.
سرچینې لیکلي چې د ۱۰۶ بهرنیو کارګرانو له ډلې ۱۸ یې افغانان دي.
سرچینې زیاته کړې، په دې موده کې ۲۲ له څلوارلس کلونو کمعمره ماشومان او ۱۴۷ ښځې هم د کار پر مهال پېښو کې مړه شوي دي.
د یادونې ده، یادو کسانو په ترکیه کې په ترافیکي، له جګ ځایه د رالوېدو، تر خاورو لاندې کېدو، د کار په ځای کې د تاوتریخوالي، ګازنیونې، چاودنې، سوځېدنې، مسمومیت، ډوبېدو او ځانوژنې پېښو کې ژوند له لاسه ورکړی دی.
ډېری دغه کسان د ودانیزو، کرنې، ترانسپورټ، سوداګریزو، اداري او ښوونیزو برخو، د ښاروالۍ کارکوونکي، د ټولنیزو خدمتونو او کانونو برخې کارګران وو.
Views: 9
