د افغانستان ويلچر باسکټبال ملي لوبډلې په اسيايي او اوقيانوسيه سيالیو کې نهم مقام خپل کړ.
دغه سیالۍ د ټایلنډ په بنکاک ښار کې ترسره شوې.
د افغانستان د ویلچر باسکټبال فدراسیون نن پر خپله فېسبوکپاڼه لیکلي چې افغان لوبډلې سعودي عربستان ته د ۹ نومرو په توپیر لوبه وبایلله او په دغو سیالیو کې یې نهم مقام ترلاسه کړ.
دغه راز په دغو سیالیو کې د ۱۱ هېوادونو لوبډلو برخه اخیستې وه او افغانستان له نیوزیلنډ، سعودي او فیلیپین سره په یوه ګروپ کې وو.
همدارنګه په دغو سیالیو کې افغانستان په لومړي پړاو کې نیوزیلنډ، سعودي، فیلپین او اماراتو لوبډلو ته ماتې ورکړه، خو په دویم پړاو کې یې بیا ایران، ټایلنډ او سعودي لوبډلو ته سیالۍ وبایللې او نهم ځای یې خپل کړ.
Views: 14
