د پاکستان په پنجاب ایالت سیمه کې د افغان کډوالو د کورنیو د لېږدونکي ټېلر موټر د چپه کېدو له امله دوه کسان مړه او ۲۵ نور ټپیان شوي دي.
د پاکستان ډان ورځپاڼې د راپور له مخې، دا پېښه تېره ورځ د پنجاب په اټک کې د «ګرانډ ټرک» سیمې ته نږدې سېمه کې شوې ده.
سرچینې زیاته کړې، چې په دغه ټېلر کې د پنځو افغان کډوالو کورنۍ سپرې وې او افغانستان ته تللې چې د ټایر د چاودېدو له امله موټر چپه شوی دی.
راپور کې زیاته شوې چې د پېښې ټپيان روغتون ته وړل شوي دي.
پاکستاني چارواکو ویلي، پرېکړه يې کړې چې د نومبر میاشتې له لومړۍ نېټې لږ تر لږه ۱،۴ میلیونه کډوال چې د اوسېدو رسمي اسناد نه لري، له دغه هېواده وباسي د راپورونو له مخې، اوس مهال هره ورځ سلګونه کورنۍ د تورخم له لارې افغانستان ته راستنیږي.
Views: 8
