د پښتون ژغورنې غورځنګ فعالانو د جرمونو تر نړېوالې محکمې لس کیلو متره په لوڅو پښو ولاړل او د محکمې مسوولینو ته یې د پاکستان پر خلاف خپله پرېکړه لیک وسپارله.
د پښتون ژغورنې غورځنګ د اروپا څانګې لخوا د وږي په ۱۶مه، په یوه خپره شوې خبرپاڼه کې راغلي چې د غورځنګ د ايټاليا، فرانسې، بلجيم او جرمني غړو د هالنډ په کوربتوب د پنجشنبې په ورځ دغه لاریون په لاره اچولی و.
سرچینې زیاته کړې چې په دې اعتراضیه لاریون کې ګڼ شمېر مېرمنو، نارینو او ماشومانو برخه اخیستې وه.
غورځنګ وایي، چې د لاریون ګډونوالو د هالنډ په دنهاخ ښار کې لس کیلو متره اوږود پلی په لوڅو پښو د جرمونو تر نړېوالې محکمې ولاړ .
په خبرپاڼه کې راغلي چې د لاریون ګډونوالو بیا د جرمونو نړېوالې محکمې مخې ته راټول شول او د پاکستان د پوځ د هغو مشرانو او افسرانو د محاکمې غوښتنه وکړه، چې د پښتنو د و ینو په بهولو کې لاس لري او په جنګي جرمونو تورن دي.
دوی په پای کې یوه پرېکړه لیک هم د هاګ محکمې مسوولینو ته وسپارلو چې پکې د پاکستان پر پوځ او جنرالانو د بندیزونو لګولو غوښتنه شوې ده.
د لاریون ګډونوالو د پاکستان د پوځ په زندان کې د غورځنګ د مخکښو غړو علي وزیر، ګیله من وزیر، ذکیم وزیر، عید رحمن وزیر او د پي ټي ایم د نورو ټولو غړو سره د کیدونکي ظلم او وحشت یادونه هم وکړه، چې د نړېوالو جرمونو محکمه باد په اړه یې څیړنه او پوښتنه وکړي.
یاد لاریون د پریکړه لیک په لوستلو سره پای ته ورسیده او پریکړه لیک به د هاګ ICC مسولینوته ورسپارل شو.
Views: 79
