د مرکزي اسیا (کافا) فوټسال جام سیالیو په لړ کې افغانستان ترکمنستان ته په ماتې ورکولو سره دغو لوبو دویم مقام خپل کړ.
د مرکزي اسیا (کافا) د فوټسال جام سیالۍ د تاجکستان په کوربهتوب ترسره کېږي.
د افغانستان فوټبال فدراسیون پر خپله فېسبوکپاڼه لیکلي، د مرکزي اسیا فوټسال جام سیالیو کې افغانستان ترکمنستان ته درې په دوه ماته ورکړه او په دې لوبو کې یې دویم ځای خپل کړ.
په دغو سیالیو کې د افغانستان په ګډون قرغیزستان، ازبکستان، ایران، تاجکستان او ترکمنستان هېوادونو د فوټسال ملي لوبډلې برخه لري.
دغه راز په یادو سیالیو کې افغانستان قرغیزستان او ازبکستان ته ماتې ورکړي، له تاجکستان سره یې لوبه مساوي کړه خو ایران بیا له افغانستانه لوبه ګټلې ده.
د یادونې ده، په دې سیالیو کې د ایران او تاجکستان لوبه پاتې چې نن شپه اته بجې ترسره کېږي او له دې سیالۍ وروسته به د مرکزي اسیا د فوټسال جام اتله لوبډله معلومه شي.
Views: 15
