نیمروز کې یوه امنیتي سرچینه وایي، پنځه افغان ځوانان چې غوښتل یې ایران ته ولاړ شي، له افغانستان سره پر پوله د ایراني پولهساتو له خوا پر ډزو وژل شوي او یو بل ټپي شوی دی.
د سرحد د څلورم کنډک مسوول محمدابراهیم هېواد وویل: «تېره شپه یو شمېر ځوانانو چې غوښتل یې په قاچاقي ډول له پولې تېر شي او ایران ته لاړ شي، د ایراني پولهساتو له لوري پرې ډزې شوې چې له امله یې پنځه کسان وژل شوي او یو بل ټپي شوی دی.»
هېواد زیاته کړه چې دغه پېښه تېره شپه شاوخوا یوه بجه د چهاربرجک ولسوالۍ پولې ته څېرمه د زرنج ښار د عبدالحميد کلي اړوند سیمه کې شوې ده.
د هغه په وینا، د وژل شوو مړي د زرنج روغتون ته لیږدول شوي او د د ټپي شوي روغتیايي وضعیت نسبي ښه دی او تر درملنې لاندې دی.
دا په داسې حال کې ده چې نیمروز کې له ایران پر پوله ډېر کله داسې پېښې کېږي.
Views: 13
