ټاکل شوې چې د سریلانکا غوره لیګ شل اووریزه کرکټ سیالۍ نن د افغان لوبغاړو په شتون کې پیل شي.
د سریلانکا د کرکټ بورډ ادارې پر خپله فېسبوک پاڼه لیکلي چې د «لنګا» غوره لیګ کرکټ سیالۍ نن پیلېږي.
په دغو سیالیو کې پنځه لوبډلې برخه لري چې د افغانستان په ګډون د نورو هېوادونو لوبغاړي هم په کې اخیستل شوي دي.
له افغانستان څخه په دغو سیالیو کې رحمنالله ګربز، محمدنبي، مجیبالرحمن، ابراهیم ځدراڼ، نوراحمد لګنوال، عظمتالله عمرزی، اللهمحمد غضنفر، حضرتالله ځاځی او کریم جنت د بېلابېلو لوبډلو له لوري اخیستل شوي دي.
دغه سیالۍ به د همدې میاشتې تر ۲۱ پورې دوام ولري.
په دغو سیالیو کې نن لومړۍ سیالۍ د ډمبولا سکسرز او کینډي فالکنز لوبډلو ترمنځ د افغانستان پر وخت د ماښام په شپږنیمو بجو پیلېږي چې د ډمبولا سکسرز لوبډلې لوبدلمشر افغان لوبغاړی محمدنبي دی.
د یادونې ده چې له دې مخکې هم افغان لوبغاړي د هند او بنګلهدېش او یو شمېر نورو سوداګریزو لیګونو کې لوبېدلي دي.
Views: 24
