د افغانستان د ازادو مبارزاتو ورزشکار نصرت حقپرست خپل امریکايي سیال جرد ګورډون، ته ماتې ورکړه.
دغه سیالي تېره شپه د سعوديعربستان په ریاض ښار کې (د وروستۍ اتلولۍ مبارزه (UFC په سازمان کې ترسره شوه.
حقپرست وتوانېد چې د خپل پیاوړي امریکایي سیال پر وړاندې د ارزوونکو د نمرو په توپیر دغه سیالي وګټي.
دا په ازادو سیالیو کې له مسلکي کېدو را په دېخوا د حقپرست ۱۷مه بریا ده.
حقپرست دا مهال د نړۍ په کچه ۲۶م مقام او ټولټال ۲۲ مسلکي ریکارډونه لري چې په دغو سیالیو کې یوازې پنځه ځله له ماتې سره مخ شوی دی.
Views: 6
