د افغانستان کرکټ بورډ وایي، ملي الف لوبډله د سریلانکا له الف لوبډلې سره د سیالیو په موخه یاد هېواد ته ورسېده.
د افغانستان کرکټ بورډ نن د یوې خبرپاڼه په خپرولو ویلي، ملي الف لوبډله «افغان ابدالیان» د سریلانکا الف لوبډلې پر وړاندې د راتلونکو پنځو یو ورځنیو سیالیو په موخه تېره ورځ د یاد هېواد همبنټوټا ښار ته ورسېده.
کرکټ بورډ ویلي، افغان الف لوبډله به د روانې اپرېل میاشتې په ۲۸مه د سریلانکا له الف لوبډلې سره لومړۍ یو ورځنۍ لوبه ترسره کړي.
ټاکل شوې «افغان ابدالیان» لوبډله د روانې اپرېل میاشتې له ۲۸مې د راتلونکې مې تر ۱۴مې پورې په سریلانکا کې د دغه هېواد له الف لوبډلې سره پنځه، پنځوس اوریزې او یوه څلور ورځنۍ لوبه وکړي.
Views: 6
