د هېواد د فوټسال ملي لوبډلې د اسیا جام سیالیو په لړ کې تاجکستان ته لوبه وبایلله او په دغو سیالیو کې له مخکې تګه پاتې شوه.
د فوټسال اسیا جام سیالۍ په ټایلېنډ کې روانې دي.
د افغانستان او تاجکستان د فوټسال ملي لوبډلو ترمنځ نن له غرمې مخکې په اسیا جام سیالیو کې د کواټر فاینل لوبه ترسره شوه چې تاجکستان و کولای شول د هېواد ملي لوبډلې ته ۲ – ۱ ماتې ورکړي.
دغه راز د یادې لوبې په بایللو سره د افغانستان د فوټسال ملي لوبډله د اسیا جام سیالیو کې له مخکې تګه پاتې شوه.
په دغو سیالیو کې افغانستان له دې مخکې بحرین ته ماته ورکړې وه، ایران ته یې لوبه بایللې او له کویټ سره یې بیا لوبه مساوي کړې وه.
د یادونې ده، افغانستان په دغو سیالیو کې له ایران، کویټ او بحرین سره په یوه ګروپ کې شامل و.
Views: 7
