د افغانستان په ګډون د فوټسال اسیا جام سیالۍ سبا په ټایلنډ کې پیلېږي چې د دغو لوبو لپاره د هېواد د فوټبال فدراسیون نن د فوټسال ملي لوبډله هم اعلان کړه.
د افغانستان د فوټبال فدراسیون ویاند مصطفی هاشمي وویل چې د فوټسال اسیا جام سیالۍ سبا د (اپریل په ۱۷مه) پیلېږي او د همدې میاشتې تر ۲۸مې پورې به دوام ولري.
هاشمي زیاته کړه، د افغانستان فوټسال ملي لوبډله به په دغو سیالیو کې له ایران، کویټ او بحرین هېوادونو د ملي لوبډلو سره لوبې ترسره کړي.
دغه زار د یادو سیالیو لپاره نن د افغانستان فوټبال فدراسیون د فوټسال ملي لوبډلې د لوبغاړو نوملړ هم اعلان کړ چې په کې محمدجواد صفري، عليرضا جعفري، علياحمد محسیني، مهدي نوروزي، علي جعفري، میثم فیضي، رضاحسن پور، مهران غلامي، امید قنبري، اکبر کاظیمي، محمد مرادي، فرزاد محمودي، حسن محمدي او صیاد مجتبی شامل دي.
د راپورونو له مخې، د فوټسال اسیا جام سیالۍ د ټایلنډ په کوربهتوب ترسره کېږي چې پهکې د ۱۶ هېوادونو د فوټسال ملي لوبډلې ګډون کوي.
Views: 15
