د راپورونو پر بنسټ، ناپېژاندو وسلهوالو په خیبرپښتونخوا کې د پاکستان د جمعیت علما ګوند (JUI-F) یو مهم غړی نوراسلام نظامي وژلی دی.
اکسپرس ټرېبیون پرون ناوخته (سهشنبه) راپور ورکړی چې نظامي د خیبرپښتونخوا د شمالي وزیرستان په میرانشاه سیمه کې وژل شوی دی.
د پولیسو یوه افسر ویلي چې د پاکستان د جمعیت علما ګوند دغه مهم غړی په ډزو وژل شوی دی.
هغه څرګنده کړې: «د هغه جسد د لازمو اقداماتو ترسره کولو په موخه د میرانشاه روغتون ته لېږدول شوی دی.»
راپور کې زیاته شوې چې چارواکو د دې پېښې په اړه خپلې بشپړې پلټنې پیل کړې او معلومات یې له سیمې راټول کړي دي.
د پاکستان د جمعیت علما ګوند تر اوسه په دې اړه څه نه دي ویلي.
دا په داسې حال کې ده چې د روان میلادي کال په جنورۍ میاشت کې د خیبرپښتونخوا په دېره اسماعیلخان سمیه کې د پاکستان د جمعیت علما ګوند د مشر مولانا فضلالرحمن پر موټریز کاروان هم برید شوی و خو چا ته پکې زیان نه و رسېدلی.
Views: 18
