د راپورونو له مخې، د امریکا د متحده ایالاتو پولیسو په واشنګټن کې یو ۱۵ کلن هلک چې د یوه افغان وګړي پر قتل تورن و، نیولی دی.
د تورن کس د هویت په اړه جزییات نه دي وړاندې شوي خو فاکس نیوز راپور ورکړی چې مقتول نصرت احمدیار نومېده او تېر کال د جولای په ۳مه واشنګټن کې د موټر چلولو پر مهال په ډزو وژل شوی و.
د سرچینې په وینا، وژل شوی کس موټرچلوونکی و او پخوا یې افغانستان کې د امریکایي ځواکونو لپاره د ژباړن په توګه کار کړی و.
په راپور کې راغلي چې احمدیار تازه خپل نوی ژوند د امریکا په ویرجینیا ایالت کې له خپلې مېرمنې او څلور اولادونو سره پیل کړی و.
Views: 4
