ټورنټو د هغو زرګونو افغان کډوالو چې په تېرو کلونو کې دغه هېواد ته راغلي، کوربه دی. یادو افغان کډوالو په کاناډایي ټولنه کې د خپل کلتور، ادابو او رواجونو په ساتلو ځان ته یو ځای پیدا کړی دی.
د یادو بریالیو افغان کډوالو له ډلې یو فضلالله الکوزی دی چې د کډوالۍ ستونزو سره سره له کلونو مبارزې وروسته یې په ټورنټو کې خپل سوپرمارکېټ او رسټورانټ پرانیستی، هغه خپلو مشتریانو ته د البرکت په نوم د افغاني محصولاتو او خدمتونو یوه نسبتاً بشپړه مجموعه وړاندې کوي. نوموړی وایي چې دغه سوپرمارکېټ نه یوازې یوه سوداګریزه، بلکې یوه کلتوري فضا هم ګنل کېږي چې افغانانو ته د وطني خوړو خاطرې او خوند وریادوي.
یاد پلورنځی بېلابېلې برخې لري چې په هره یوه کې د نورو توکو ترڅنګ افغاني محصولات هم پلورل کېږي. د یادو برخو له ډلې کولای شو د دغه رسټورانټ او سوپرمارکېټ د خوږو، ډوډۍ، مېوې، سبزیو او لبنیاتو برخې ته اشاره وکړو، تاسې کولای شئ په دغه پلورنځي کې خپل د اړتیا وړ توکي په لوړ کیفیت او مناسبه بیه ترلاسه کړئ.
افغاني محصولات، په ځانګړي ډول د افغانستان دودیز خواړه افغانانو او نورو کاناډایي ملیتونو ته په زړهپورې او د پام وړ دي چې په خپل ځانګړي کیفیت او خوند ډېر شمېر مشتریان راجذبوي، یاد سوپرمارکېټ د دغو محصولاتو په وړاندې کولو سره هڅه کوي چې په ټورنټو کې د افغانستان کلتور او دود ژوندی وساتي.
له ټورنټو د کاناډا د پارلمان غړې سلما زاهد چې د البرکت سوپرمارکېټ او رسټورانټ په پرانیستغونډه کې یې ګډون کړی و، له دغه اقدامه ستاینه وکړه او هغه یې په کاناډا کې د افغانانو د اقتصادي او ټولنیزې پراختیا لپاره یو لوی ګام وباله.
هغې وویل: «کوچني کاروبارونه د اقتصاد لپاره مخکښ ګامونه دي، دا ډېره مهمه ده او موږ له کوچنیو کارونو ملاتړ کوو، دغه سیمه ډېر وګړي لري او خوښوي چې ټول څیزونه له دغه ځایه ترلاسه کړي، زما لپاره جالبه ده چې داسې لوی مارکېټ دلته پرانیستل شو، زه په ډېرې لېوالتیا سره په تمه وم چې دلته دغه لوی سوپرمارکېټ فعالیت پیل کړي، یاد سوپرمارکېټ به د سیمې د خلکو د پېرېدنو مرکز وي، زه به خپله د توکو پېرل لپاره دلته راځم، زه هیلهمنه یم چې دغه د کار او کسب مرکز لا پرمختګ وکړي، موږ له کوچنیو کسبونو او کارونو ملاتړ کوو.»
په یاد سوپرمارکېټ کې په ټورنټو کې مېشتو ۱۴ افغانانو ته هم کاري فرصتونه برابر شوي، دغه کسان په ویاړ او لېوالتیا کار کوي او مشتریانو ته له خدمت رسولو خوند اخلي، هغوی پر دې باور دي چې دې برخه کې پانګونه نه یوازې د دوی، بلکې د ټورنټو ټولو افغانانو لپاره یوه لاستهراوړنه ده.
سره له دې چې په ټورنټو کې د افغانانو ډېر شمېر پلورنځي او سوداګریز مرکزونه شته، خو بیا هم افغاني محصولاتو ته تقاضا ډېره ده. ځيني کارپوهان وایي چې دې برخه کې پانګونه د محصولاتو او خدمتونو وړاندې کولو سرچینو ډېرېدو او دغه راز په بازارونو کې د سالم رقابت رامنځته کېدو لامل ګرځي چې په پایله کې د پېرېدونکو په ګټه
Views: 20
