د راپورونو له مخې، د میانمار په شمال ختیځ کې د چاودېدونکو توکو د یوې زېرمې د چاودنې له امله لږ تر لږه ۴۶ کسان وژل شوي او له ۷۰ زیات نور ټپیان دي. دغه چاودنه پرون (یکشنبه) د چین پولې ته نږدې د شان ایالت د «کاونګ تات» په سیمه کې رامنځته شوې ده.
په راپور کې راغلي چې په دې پېښه کې لږ تر لږه ۴۶ کسان وژل شوي او له ۷۰ زیات نور ټپیان شوي دي.
سرچینه زیاتوي چې دغې چاودنې څو استوګنیزو کورونو ته هم سخت زیان اړولی او د احتمالي قربانیانو د موندلو لپاره د لټون او ژغورنې عملیات لا هم روان دي.
ځايي چارواکو ویلي چې د چاودنې د علت په اړه څېړنې پیل شوې او د دې پېښې مسوول کسان به عدلي او قضایي ارګانونو ته وسپارل شي.
Views: 1
