د افغانستان د سولې لپاره د امریکا متحده ایالتونو پخوانی استازی زلمی خلیلزاد وایي، باور نه لري د پاکستان خلک دې د دغه هېواد د حکومت د هغو سیاستونو چې د افغان ملکي وګړو د وژنې لامل شوي، ملاتړ وکړي او زیاته کړې یې ده چې د پاکستان د حکومت او خلکو ترمنځ واټن په زیاتېدو دی.
د طالبانو مرستیال ویاند حمدالله فطرت پرون په کابل کې په یوه خبري ناسته کې وویل چې د پاکستان د پوځي رژیم په بریدونو کې په افغانستان کې د ښځو او ماشومانو په ګډون ۱۱۰ ملکي وګړي شهیدان او ۱۲۳ نور ټپیان شوي او ۸۴۰۰ کورنۍ بېځایه شوې دي.
خلیلزاد نن (چهارشنبه) پر خپله اېکسپاڼه لیکلي: «زه باور نه لرم چې د پاکستان خلک د خپل حکومت د سیاستونو ملاتړ وکړي؛ هغه سیاستونه چې د افغان ملکي وګړو د وژنې لامل شوي دي.»
هغه د پاکستان پر خاوره د بریدونو په ترڅ کې ملکي تلفاتو ته په اشاره زیاته کړې: «ایا د خلکو او واکمنۍ ترمنځ واټن په زیاتېدو دی؟ زما په باور، هو.»
Views: 23
