د راپورونو پر بنسټ، زرګونو کارګرو او محصلینو د امریکا د ولسمشر ډونالډ ټرمپ د کډوالۍ پالیسیو پر ضد د دغه هېواد په ښارونو او پوهنتونونو کې اعتراضونه وکړل.
د رویټرز د راپور له مخې، تېره ورځ (سهشنبه) په واشنګټن او نورو کوچنیو ښارونو لکه د شمالي کارولینا په اشوېل کې سلګونه اعتراضکوونکي راټول شول او د «د کډوالۍ او ګمرک ادارې ته نه، فاشیست متحده ایالتونو ته نه» شعارونه یې ورکول.
په راپور کې ویل شوي، دغه اعتراضونه د متحده ایالتونو په ټولو برخو کې د ټرمپ د دویمې دورې د ولسمشرۍ لومړۍ کالیزې پر مهال د هغه د دولت له خوا د کډوالځپلو پالیسیو په غبرګون کې وشول.
دا په داسې حال کې ده چې د روان کال د مرغومي په ۱۸مه د امریکا د کډوالۍ او ګمرک ادارې یوه مامور یوه ښځه په مینیاپولیس ښار کې په ډزو ووژله.
د راپورونو له مخې، د امریکا د کډوالۍ ادارې یوه مامور په مینیاپولیس ښار کې د کډوالۍ ضد اقدامات پر مهال یوه ۳۷ کلنه ښځه په خپل موټر کې په ډزو ووژله.
Views: 1
