د امریکا د کورني امنیت وزیره وايي چې د ولسمشر ډونالډ ټرمپ په سپارښتنه، د امریکا د ګرینکارت لاټرۍ ګټونکو لپاره د ویزې ورکولو پروګرام ځنډول شوی دی.
د امریکا د کورني امنیت وزیرې کریستي نو (Kristi Noem)پر خپله اېکسپاڼه لیکلي چې د امریکا د کډوالۍ وزارت د ګرینکارټ لاټرۍ(DV1) پروګرام په براون پوهنتون کې ډزو له پېښې وروسته ودراوه.
نوموړي ویلي: «د ولسمشر ټرمپ په امر ما سمدستي د امریکا د تابعیت او کډوالۍ خدماتو ادارې (USCIS) ته لارښوونه وکړه چې د ګرینکارټ لاټرۍ پروګرام ودروي څو ډاډ ترلاسه شي چې نور هيڅ امریکایي د دغه خطرناک پروګرام له امله زیانمن نه شي.»
کریستي نوم ویلي چې کلادیو مانویل نوېس والنټي چې په براون پوهنتون کې یې ډزې کړې وې، په ۲۰۱۷ کال کې د ګرینکارټ لاټرۍ (DV1) له لارې امریکا ته راغلی او ګرینکارت یې ترلاسه کړی و.
دا په داسې حال کې ده چې تېره اونۍ د امریکا د روډ ایلند ایالت په براون پوهنتون کې د یوه وسلهوال کس له لوري په ډزو کې دوه زدهکوونکي ووژل او نهه نور ټپیان شول.
Views: 1
