د لغمان ولایت مقام وایي، نن سهار د دغه ولایت د قرغیو ولسوالۍ مربوطاتو کې یوه موټر له چپه کېدو وروسته اور اخیستې چې له امله یې شپږو کسانو ژوند له لاسه ورکړی او درې نور ټپیان شوي دي.
د لغمان ولایت مقام په خبرپاڼه کې راغلي چې نن سهار شاوخوا څلور بجې د دغه ولایت د قرغیو ولسوالۍ په میاخان کڅ سیمه کې یو ټوډي موټر د چلوونکي د بېاحتیاطۍ له امله له سړکه وتلی، چپه شوی او اور یې اخیستی دی.
سرچینې زیاته کړې چې په دې پېښه کې د ښځو او ماشومانو په ګډون شپږو کسانو ژوند له لاسه ورکړی او درې نور ټپيان شوي دي.
خبرپاڼه کې راغلي چې د پېښې ټپيان د قرغیو ولسوالۍ د کاکڅ روغتون ته لېږدول شوي دي.
Views: 7
