د هند په سوېل کې د یوه مسافر وړونکي بس او لارۍ موټرو ترمنځ د ټکر له امله ۲۰ کسان مړه او ۲۴ نور ټپیان شوي دي.
اسوشیټېډ پرېس په یوه راپور کې د سیمهییزو چارواکو له قوله لیکلي، د هند په سوېل کې نن (دوشنبه) سهار یوې لارۍ له مسافر وړونکي بس سره ټکر کړی چې له امله یې لږ تر لږه ۲۰ کسان مړه او شاوخوا ۲۴ نور ټپیان شوي دي.
سرچینې لیکلي، دغه بس شاوخوا ۷۰ مسافر لېږدول او د هند له سوېلي تلنګانه ایالته حیدراباد ښار ته روان و چې د چیوالا ښار ته نږدې یې له یوه باروړونکي موټر سره ټکر کړی دی.
په راپور کې راغلي، په وژل شوو کې لس ښځې او څلور ماشومان هم شامل دي.
د سرچینې د معلوماتو له مخې، دا پېښه داسې مهال کېږي چې پرون (یکشنبه) هم د هند راجستان په لوېدیځ کې په یوه ترافیکي پېښه کې لږ تر لږه ۱۵ کسان مړه او دوه نور ټپیان شوي وو.
Views: 2
