د راپورونو له مخې، د مکسیکو په سونورا ایالت کې په یوه سوپرمارکېټ کې د چاودنې له امله لږ تر لږه ۲۳ کسانو ژوند له لاسه ورکړی او ۱۱ نور ټپیان شوي دي.
رسنیو راپور ورکړی چې دا چاودنه شنبه ورځ د «هرموسیو» ښار په مرکز کې د «والدوس» په نوم یوه پلورنځي کې شوې ده.
راپور کې راغلي، یاده پېښه هغه مهال شوې چې د مکسیکو خلک د خپل دودیز «د مړو ورځ» جشن په نمانځلو بوخت وو؛ دا هغه ورځ ده چې کورنۍ د خپلو مړه شوو خپلوانو یاد تازه کوي.
سرچینې لیکلي چې چاودنه پرون (د ګرینویچ پر وخت) ماسپښین شاوخوا دوه بجې شوې او د اور د خپرېدو مخنیوي لپاره شاوخوا پلورنځي تړل شوي دي.
راپور کې ویل شوي چې په دې چاودنه کې ۲۳ کسان وژل شوي او ۱۱ نور ټپیان دي.
Views: 1
