د راپورونو له مخې، د ترکیې په لوېدیځ کې د کډوالو کښتۍ ډوبېدو له امله لږ تر لږه ۱۴ کسانو ژوند له لاسه ورکړی دی.
رویټرز خبري اژانس راپور ورکړی چې دا پېښه د ترکیې په لوېدیځ «موغله» ولایت کې شوې او د یوې چورلکې او کښتۍ په وسیله د پاتې احتمالي کسانو د ژغورنې او لټون عملیات روان دي.
د موغلې د ځایي چارواکو په وینا، یو افغان له دې پېښې ژوندی وتلی او ځان یې وچې ته رسولی دی.
سرچینې د یاد افغان له قوله ویلي چې په کښتۍ کې ۱۸ کسان سپاره شول خو څو دقیقې وروسته کښتۍ له اوبو ډکه او ډوبه شوه.
راپور کې د دغه افغان د هویت په اړه جزئیات نه دي ورکړل شوي.
Views: 9
