پاکستان د تورخم دروازه د هر ډول تګ راتګ پر مخ او د سپینبولدک – چمن دروازه د هر ډول تګ راتګ پر مخ وتړله.
د ننګرهار د اطلاعاتو او فرهنګ ریاست د اطلاعاتو امر قریشي بدلون نن سهار پر خپله فیسبوکپاڼه لیکلي چې پاکستاني لوري د تورخم دروازه د هر ډول تګ راتګ پر مخ تړلې ده.
دغه راز د کندهار سیمهییز مسوولین وایي چې پاکستان د سپینبولدک – چمن دروازه د هر ډول تګ راتګ پر مخ وتړله.
د سپینبولدک د اطلاعاتو امر حافظ علي محمد حقمل پژواک ته وویل چې پاکستان نن سهار د سپینبولدک او چمن دروازه د هر ډول تګ راتګ پر مخ وتړله.
هغه وویل چې د افغانستان له لوري څه ستونزه نشته ده.
دا په داسې حال کې ده چې د تېرې پنجشنبې پر شپه پاکستان پر کابل او د پکتیکا ولایت د برمل ولسوالۍ پر مرغی بازار هوايي بریدونه وکړل.
تېره شپه د طالبانو ځواکونو د کندهار، هلمند، زابل، ننګرهار، پکتیا، پکتیکا او خوست ولایتونو کې د ډیورنډ پر فرضي کرښه د پاکستاني ځواکونو پر پوستو د غچ اخیستونکي بریدونه ترسره کړل.
Views: 7
