د استرليا په ملبورن ښار کې ميشت افغان، نصير ملکزي د ملبورن د ځغاستې لس کيلو متری سيالی (ملبورن مارتون) کې د افغان نجونو د ښوونځيو د پرانېزې په پار برخه واخيسته او سيالې يې په ټاکلې مودې کې بشپړه کړه. د سيالې په پاې کې نصير ملکزي ته د ځغاستې د بشپړيدو له امله يو مډال ورکړل شو. د ملبورن ميشت ځينې افغانان د نصير هڅونې لپاره د ملبورن کرکيټ تاريخي لوبغالي ته هم ورغلی وه.
نصير د کابل د طبي علومو له پوهنتون څخه په ۱۳۸۵ کال کې فارغ شوې دې او ډيره موده يې په افغانستان کې د ملګرو ملتونو د بشري مرستو په ادارې کې دنده ترسره کړې ده او اوس د استرليا په ويکټوريا ايالت حکومت کې د عامې روغتيا په برخه کې دنده ترسره کوي.
نصير وصال ټلوېزیون ته وویل: «د افغانستان نجونی حق لري چې زده کړې وکړي. هغه نجونې چې زده کړې وکړي، د خپل ځان او کورنې د ساتنې په برخه کې پوهاوی تر لاسه کوي. په داسې حال کې چې نالوستې نجونې تل نورو ته اړ او د هر چا د درغليو او ناسمو خبرو او غوښتنو ښکار کيداې شي.»
نصير د افغانستان له اوسني چارواکو غوښتنه کوي چې د نجونو زده کړې بايد د دې لپاره پيل کړي، څو د افغانستان ميرمنې د پاکستان او نورو بهرنيو له اړتيا څخه خلاصون تر لاسه کړي. او د هيواد په رغونې کې ونډه واخلي.
نصير هيله څرګنده کړې چې هيواد کې به تل پاتی سوله او سوکالي راشي او د هیواد اوسنې اقتصادی ستونزی به حل شي.
د ملبورت د ځغاستې سيالې هر کال د اکتوبر په ۱۵ ترسره کيږي چې سږ کال يواځې د لس کيلو مترې سياليو کې یولس زره کسانو ګډون کړې وه.
Views: 17
