د کاناډا ـ افغانستان د سوداګرۍ شورا (CABC) له لوري په ټورنټو کې د «د ملګرتیا، نوښت او ګډون له لارې هوساینه رامنځته کول» تر عنوان لاندې د ۲۰۲۵ د سوداګرۍ کنفرانس ترسره شو.
په دې ناسته کې د سوداګرۍ د پرمختګ، د مالي زیانونو د مخنیوي او د نوې ټکنالوژۍ، په ځانګړي ډول د مصنوعي ځیرکتیا (AI) د کارونې او نوښت، په اړه هر اړخیز بحثونه وشول.
دغه راز د ښځو په سوداګرۍ کې د ونډې، طبیعي سرچینو او دایمي پانګونې، او د افغاني کاروبارونو لپاره د قانوني غوره کړنلارو په اړه ځانګړي ګردي مېزونه جوړ شوي وو.
یاد کنفرانس وښودله چې افغان سوداګر د ګډو هڅو او نوښتونو له لارې نه یوازې په کاناډا کې، بلکې په نړیواله کچه هم د سوداګرۍ او اقتصادي اړیکو د پراختیا لپاره نوې لارې پرانیزي.
تاسو کولای شئ بشپړ راپور د وصال ټلوېزیون له یوټیوب چینل څخه وګورئ.
Views: 6
