د افغانستان فوټبال فدراسیون اعلان کړی چې د دغه هېواد له ۲۳ کلنو کمعمره فوټبال ملي لوبډله د اسیا جام مقدماتي سیالیو په لړ کې نن د میانمار پر وړاندې لوبه ترسره کوي.
دغه لوبه نن د افغانستان پر مهال وروسته له غرمې ۰۰: ۲ بجې د میانمار په کوربهتوب ترسره کېږي.
یاد فدراسیون پر خپله فېسبوکپاڼه لیکلي چې د افغانستان د امید فوټبال ملي لوبډلې وروستۍ تمریني لوبه د میانمار په یانګون ښار کې د لوبډلې د روزونکي الیاساحمد منوچهر تر څارنې لاندې ترسره شوې ده.
دغه سیالي په داسې حال کې ترسره کېږي چې د هېواد ملي لوبغاړو د جاپان او کویټ پر وړاندې په خپلو دوو تېرو لوبو کې ماته خوړلې وه.
Views: 6
