د ټورنټو ښار کې د افغانستان د خپلواکۍ بېرته اخیستو د ۱۰۶مې کلیزې د نمانځنې لپاره د افغان ټولنیزو خدمتونو مرکز په نوښت یو ستر محفل جوړ شوی و.
په دغه مراسمو کې د افغانستان سفیر، یو شمېر کاناډایي چارواکي او د پښتو ژبې وتلې هنرمنده نغمه ګډون درلود. محفل د ویناو او کلتوري پروګرامونو لپاره ځانګړی شوی و، خو د ګډونوالو د زیات شمېر له امله تالار له خپلې اصلي ظرفیته واوښت او بې نظمي رامنځته شوه.
د تالار د داخلي دروازې د زیانمنېدو او د امنیتي ستونزو د زیاتېدو له امله پولیسو مداخله وکړه او غونډه یې لغوه اعلان کړه.
ګډونوالو وویل چې د تالار ظرفیت د خلکو د ګڼې ګوڼې لپاره کافي نه و او د همغږۍ نشتوالی د ګډوډۍ اصلي لامل و.
نغمه، چې ځانګړې مېلمنه وه، په خپل فېسبوک پاڼه خپره شوې وډیویي وینا کې د محفل د لغو کېدو له امله خپله خواشیني څرګنده کړه او هیله یې وښوده چې افغانان دې تل په خوښیو سره راټول شي.
بشپړ راپور د وصال ټلوېزیون په یوټیوب چینل کې کتلی شئ.
#نغمه #ټورنټو #افغانان #خپلواکي #۱۰۶کلیزه #افغان_ټولنه #کاناډا #افغان #جشن #محفل #افغان_ځوانان #دخپلواکۍ_۱۰۶مه_کلیزه#دافغانستان_خپلواکي #استرداد_استقلال_افغانستان#۱۰۶مین_سالروز_استقلال
#AfghanIndependenceDay106 #AfghansInCanada #AfghanCommunities #Naghama
#Afghanistan #ANSS
Views: 4
