د ملګرو ملتونو سرمنشي ویلي چې په افغانستان کې د ښځو او نجونو د حقونو مسله د ټولو اندېښنو بشپړ محور دی او یوه له هغو موضوعاتو ده چې په اجنډا [د عمومي ناستې مجمع] کې به ځای ولري.
په افغانستان کې د ښځو او نجونو د بشري حقونو وضعیت به د ملګرو ملتونو د عمومي مجمع د ناستې- چې راتلونکې اونۍ جوړیږي- محور وي.
د ملګرو ملتونو سرمنشي انتونیوګوترش، پرون ناوخته په یوه خبري ناسته کې دا موضوع څرګنده کړې ده.
هغه ویلي: «په افغانستان کې د ښځو او نجونو د حقونو مسله د ټولو اندېښنو بشپړ محور دی او یوه له هغو موضوع ګانو ده چې په اجنډا [د عمومي ناستې مجمع] کې به ځای ولري.»
د نړۍ د ډېرو هېوادونو مشران د ملګرو ملتونو په عمومي مجمع کې- چې د روان کال د سپتمبر په ۱۸ او ۱۹مه په نیویارک کې ترسره کېږي- سره راټولیږي.
په افغانستان کې د ښځو او نجونو وضعیت به په داسې حال کې د ملګرو ملتونو په عمومي مجمع کې به د خبرو محور وي چې تېرو ورځو کې د ملګرو ملتونو د بشري حقونو شورا په خپلو دوو ناستو کې په افغانستان کې د ښځو او بشري حقونو وضعیت په اړه خبرې کړې وې.
د ښځو او بشري حقونو، ځيني افغان فعالانو تازه ځيني اروپایي هېوادونو کې پر غذایي اعتصاب لاس پورې کړی او په افغانستان کې یې د جنسیتي اپارتاید د رسمیت پېژندنې غوښتنه کړې ده.
Views: 11
