پاکستاني رسنیو راپور ورکړی چې د خیبر پښتونخوا په باجوړ کې پر یوه دولتي موټر چاودنه شوې چې له امله یې پنځه کسان وژل شوي او ۱۱ نور ټپیان دي.
د پاکستان سماء ټلوېزیون ویلي چې نن چهارشنبې ورځ د خیبر پښتونخوا د باجوړ ولسوالۍ په ناوهګۍ سیمه کې پر یو دولتي موټر چاودنه شوې چې د یادې سیمې د مرستیال کمېشنر په ګډون پنځه کسان وژل شوي او ۱۱ نور ټپیان دي.
په راپور کې راغلي، ټپیان د درملنې لپاره روغتون ته لېږدول شوي خو د ډېرو روغتیایي حالت نازک ښودل شوی دی.
سرچینې د سیمهییزو مسوولینو له قوله لیکلي چې تر اوسه لا د چاودنې نوعیت معلوم نه دی او په اړه یې څېړنې روانې دي.
دا په داسې حال کې ده چې د روانې چنګاښ میاشتې په اوومه د خیبر پښتونخوا په شمالي وزیرستان کې د پاکستان پوځ پر یوه موټر چاودنه شوې وه چې ۱۳ پوځیان پهکې وژل شوي وو او د لسو سرتېرو په ګډون ۲۴ نور کسان ټپیان وو.
Views: 8
