د افغانستان له ۲۰ کلونو کمعمره فوټبال ملي لوبډله به نن د مرکزي اسیا د اتلولۍ سیالیو )کافا) په لړ کې خپله دویمه لوبه د قرغیزستان له لوبډلې سره ترسره کړي.
د افغانستان د فوټبال فدراسیون نن پر خپله فیسبوکپاڼه لیکلي، د هېواد له ۲۰ کلونو کمعمره فوټبال لوبډله د مرکزي اسیا د اتلولۍ سیالیو (کافا) په لړ کې نن مازدیګر ۴:۳۰ بجې د قرغیزستان له لوبډلې سره لوبه کوي.
یاده سیالي د تاجکستان په پلازمینه دوشنبې ښار کې ترسره کېږي.
افغان لوبډلې په دغو سیالیو کې خپله لومړی لوبه تاجکستان ته بایللې ده.
د مرکزي اسیا د اتلولۍ سیالۍ (کافا) د جون په لمسه د تاجکستان په پلازمېنه دوشنبې ښار کې پیل شوي چې د افغانستان په ګډون د ایران، قرغیزستان، اوزبېکستان، ترکمنستان او تاجکستان له ۲۰ کلونو کمعمره ملي لوبډلې پهکې برخه لري.
Views: 7
