د راپورونو له مخې، د امریکا ولسمشر ډونالډ ټرمپ ویلي، د دغه هېواد د موثریت څانګې له مخکیني مشر او میلیاردر ایلان ماسک سره یې اړیکه پای ته رسېدلې دي.
د رویټزر د راپور له مخې، د امریکا ولسمشر ډونالډ ټرمپ پرون د شنبې په ورځ ویلي چې له میلیاردر ایلان ماسک سره یې اړیکې پای ته رسېدلې او د ماسک له لوري یې د ډیموکراټانو د ملاتړ د بدو پایلو خبرداری ورکړی دی.
په راپور کې راغلي، ټرمپ د یادو پایلو په اړه نور څه نه دي ویلي.
ټرمپ ویلي، د سپیس اېکس او سټارلینک په ګډون د ماسک له شرکتونو سره یې د امریکا د حکومت د تړونونو د پای ته رسولو په اړه فکر نه دی کړی.
د راپورونو له مخې، د ټرمپ او ایلان ماسک ترمنځ وروسته تر هغه شخړه رامنځته شوه چې ماسک د ټرمپ پر نوي مالیاتي قانون نیوکې وکړې.
Views: 1
