د راپورونو له مخې، د اندونیزیا په جاوا ولایت کې د ډبرو یوه کان نړېدو پېښه کې لږ تر لږه ۱۰ کسانو ژوند له لاسه ورکړی او د نادرکو کسانو پیدا کولو لپاره هڅې اوس هم روانې دي.
الجزیرې راپور ورکړی چې یاده پېښه د جمعې ورځې په سهار د جاوا ولایت د چیربون ولسوالۍ په «ګونونګ کودا» کان کې شوې ده.
په راپور کې راغلي چې د اندونیزیا د ناورین مدیریت ملي ادارې (BNPB) اعلان کړی، تر اوسه معلومه نه ده چې څومره کسان تر خاور لاندې بند پاتې دي او د ژغورونکو ډلو له لوري او له لویو ماشینونو څخه په استفادې د پلټنې عملیات تر ننه (شنبه) هم دوام لري.
د چیربون ولسوالۍ د پولیسو مشر سمارني ویلي چې په یاده پېښه کې لږ تر لږه لس کسان مړه او تر اوسه ۱۲ ټپیان له خاورو رایستل شوي دي.
په راپور کې راغلي چې د خاورو او نورو احتمالي ښویېدنو د ژغورنې عملیات له ستونزو سره مخ کړي دي.
Views: 6
