د راپورونو له مخې، د سویلي افریقا په جوهانسبرګ ښار کې د اورلګېدنې پېښه کې شاوخوا ۶۳ کسان وژل شوي او ۴۰ نور ټپیان دي.
بيبيسي نن په یوه راپور کې ویلي، د جوهانسبرګ ښار اپارتمانونو په یوه بلاک کې د اورلګېدو له امله شاوخوا ۶۳ کسان مړه شوي او له ۴۰ ډېر ټپیان دي.
په دې راپور کې راغلي، تر اوسه معلومه نه ده چې په دغه پنځه پوړیزه ودانۍ کې اورلګېدنه څنګه رامنځته شوې ده.
سرچینې، د سویلي افریقا د اطفایي ادارې د ویاند رابرټ مولایودزي له قوله لیکلي، مرستندویان وتوانېدل چې د ودانۍ ځیني اوسېدونکي وژغوري.
نوموړی زیاتوي، د اور لمبو ودانۍ سوځولې او د ژغورنې پلټنې روانې دي.
Views: 7
