د افغانستان د فوټبال فدراسیون وایي، د هېواد له ۲۳ کلنو د کمعمره ځوانانو د فوټبال ملي لوبډله اسیا جام ته د لارموندنې سیالیو کې د جاپان، کویټ او میانمار له لوبډلو سره په یوه ګروپ کې لوبېږي.
د افغانستان د فوټبال فدراسیون نن پر خپله فیسبوکپاڼه لیکلي چې د اسیا جام سیالیو ته د لارموندنې لوبو ګروپونه اعلان شول چې افغانستان په B کې ګروپ کې د جاپان، کویټ او میانمار له لوبډلو سره لوبېږي.
سرچینې ویلي، د افغانستان، میانمار، جاپان او کویټ لوبډلو ترمنځ لوبې د میانمار په کوربهتوب ترسره کېږي.
سرچینې لیکلي، یادې سیالۍ د ۲۰۲۵ کال د سپټمبر له لومړۍ نېټې پیلېږي او د همدې میاشتې تر نهمې پورې به دوام وکړي.
د فوټبال فدراسیون د معلوماتو له مخې، د دې سیالیو په A ګروپ کې ترکمنستان، تایوان، بوتان او اردن لوبډلې، په C ګروپ کې ویتنام، یمن، سنګاپور او بنګلهدېش او په D ګروپ کې اسټرالیا، چین، ماینمار او ټومورلیسټي لوبډلې شامل دي.
همدارنګه په E ګروپ کې ازبکستان، فلسطین، قرغزستان، سریلانکا، په F ګروپ کې ټایلینډ، مالیزیا، لبنان او منګولایا، په G ګروپ کې عراق، کمبودیا، عمان او پاکستان لوبډلې، په H ګروپ کې قطر، بحرین، هند او برونئي دارالاسلام لوبډلې شاملې دي.
دغهراز په I ګروپ کې متحده عربی امارت، ایران او هانګ کانک لوبډلې، په j ګروپ کې کوریا، اندونیزیا، لاوس او د ماکاو لوبډلې او په K ګروپ کې تاجکستان، سوریې، فیلیپین او د نیپال هېوادونو لوبډلې شاملې دي.
د یادونې ده، د دغو سیالیو د A ګروپ لوبې د اردن په کوربه توب، د B ګروپ سیالۍ د میانمار په کوربه توب، د C ګروپ سیالۍ د ویتنام په کوربه توب، د D ګروپ سیالۍ د چین په ګوربه توب، د E ګروپ سیالۍ د قرغزستان په کوربه توب، د F ګروپ سیالۍ د ټایلینډ په کوربه توب، د G ګروپ سیالۍ د کمبودیا په ګوربه توب، د H ګروپ سیالۍ د قطر په کوربه توب، د I ګروپ سیالۍ د اماراتو په کوربه توب، د J ګروپ سیالۍ د اندونیزیا په کوربه توب او د K ګروپ سیالۍ د تاجکستان په کوربه توب ترسره کېږي.
Views: 6
