سمنګان کې سیمهییزې سرچینې وايي چې د دغه ولایت په درهصوف پایین ولسوالۍ کې د ډبرو سکر یوه کان کې د چاودنې له امله اوو کسانو ژوند له لاسه ورکړی او دوه نور ټپیان شوي دي.
د سمنګان امنیې قوماندانۍ په یوه خبرپاڼه کې ویلي چې تېره شپه ناوخته (د غويي ۳۰مه) د دغه ولایت د درهصوف پایین ولسوالۍ د ګوله کلي اړوند د ډبرو سکرو یوه کان کې چاودنې اووه کسان وژلي او دوه نور یې ټپیان کړي دي.
سرچینې لیکلي چې ټپیان د امنیتي کسانو له لوري د درملنې په موخه د دره صوف پایین ولسوالۍ کلینیک ته لېږدول شوي او روغتیايي وضعیت یې د ډاډ وړ ښودل شوی دی.
خبرپاڼه کې راغلي چې د قربانیانو جسدونه له کان څخه را ایستل شوي او خپلو کورنیو ته سپارل شوي دي.
Views: 1
