د پاکستان حکومت د داسې قانون رامنځته کولو په لټه کې دی چې له مخې یې د پښتنو سیاستوالو په وینا، د پښتونخوا د ټریلیونونو ډالرو کاني زېرمې د پنجاب تر کنټرول لاندې راشي. د اوس لپاره د پښتنو اړوند سیاسي ګوندونو او سیاستوالو د دې پنجابۍ اجنډا مخه نیولې خو د سیاسي ډلو تاریخ او کړنو ته په کتو تر ډېره دا وېره پر ځای پاتې بولي.
د راپورونو پر اساس، پښتونخوا کې د شپږ زره میلیارد ډالرو طبیعي زېرمې کشف شوې چې لیټیم، تېل او ګاز، کرومایټ، د ډبرو سکاره، مرمر، مس، سره زر او نور قیمتي کاڼي پهکې شامل دي.
د پاکستانی پوځ هڅه کوي چې په سیمه کې له مصنوعي ناامنیو، سیاسي کړکېچونو او ناندریو په ګټې اخیستو د پښتنو پر یاده شتمني تلپاتې خېټه واچوي.
د پښتني سیمو پر کانونو د پنجاب د قبضې پر ضد په کوزه پښتونخوا کې غږونه په لوړېدو او پراخېدو دي، خو ایا رښتیا هم دا موضوع همدومره لویه او پښتنو ته له اندېښنو ډکه ده؟ ایا پښتانه کولای شي خپل دغه حق ترلاسه او د پنجاب لاسونه ورلنډ کړي؟ او د افغانستان په تړاو د پاکستان بهرني پالیسي څه ده؟ پر همدغو مسایلو د بحث لپاره مو د کوزې پښتونخوا له سیاستوال او څېړونکي ډاکټر سیدعالم محسود سره مرکه کړې چې پام مو ورته را اړوو.
Views: 21
