د ملګرو ملتونو سرمنشي انټونیو ګوټرېش د هند تر ولکې لاندې کشمير کې د اپرېل ۲۲مې پېښه غندلې او غوښتنه یې کړې چې هند او پاکستان دې له پوځي جګړې ډډه وکړي.
د ملګرو ملتونو سرمنشي انټونیو ګوټرېش تېره شپه پر خپله اېکسپاڼه لیکلي، د هند او پاکستان ترمنځ کړکېچ په وروستیو کلونو کې تر ټولو لوړې کچې ته رسېدلی دی.
هغه زیاته کړې: «زه د اپرېل په ۲۲مه په پهلګام کې ترهګریز برید په کلکه غندم.»
نوموړي لیکلي، دا اړینه ده، په ځانګړې توګه په دغه مهم وخت کې هند او پاکستان له داسې پوځي جګړې ډډه وکړي چې ژر له کنټروله وځي او په خبره یې، پوځي جګړه د حل لاره نه ده.
دا په داسې حال کې ده چې د پاکستان او هند اړيکې د روانې میاشتې (غویي) په درېیمه د هند تر کنټرول لاندې د کشمیر په پهلګام سیمه کې پر سیلانیانو له هغه وسلهوال برید وروسته چې ۲۶ کسان پهکې ووژل شول او ۱۷ نور ټپیان شول، سختې ترینګلې شوې دي.
Views: 10
