روسیې د اوکراین شمالختیځ کې پر سومي ښار توغندیز برید کړی چې په پایله کې ۳۴ کسان وژل شوي او ۱۱۷ نور ټپیان دي.
رویټرز خبري اژانس راپور ورکړی چې دغه برید تېره ورځ شوی دی.
اوکرایني چارواکو ویلي چې دغه برید د روان ۲۰۲۵ زېږدیز کال خونړۍ برید دی چې په پايله کې ۳۴ کسان وژل شوي او ۱۱۷ نور ټپیان دي.
اوکرايني چارواکو ویلي چې د دغه برید له امله ۲۰ ودانۍ زیانمنې شوې دي چې څلور په کې ښوونیز تاسیسات، پنځه اپارتمانونه او پاتې چایخونې او دوکانونه دي او لس موټرونه او ښاري برېښنايي بسونه هم ویجاړ شوي دي.
د اوکراین ولسمشر ولادیمیر زیلینسکي له نورو هېوادونو د «سخت» غبرګون غوښتنه کړې ده.
بریتانیا، جرمني او ایټالیا هم دغه برید غندلی.
Views: 0
