پاکستان د کرکټ په لومړۍ یوه ورځنۍ لوبه کې افغانستان ته ماتې په ورکولو سره د درېیو لوبو لړۍ کې یو پر درې مخکې شو.
ددرېیو لوبو دا لړۍ د افغانستان په کوربه توب په سریلانکا کې نن پیل شوه.
د لومړۍ یوه ورځنۍ لوبې پچه پاکستان وګټله او لومړۍ یې د توپوهنې پریکړه وکړه، د افغان توپ اچوونکو د ښې لوبې له امله د پاکستان لوبډله په ۴۸ اورونو کې په ۲۰۱ منډو وسوځېدله.
د افغانستان له لوري مجیب ځدراڼ ۳، راشد خان او محمد نبي دوه، دوه، فضل حق فاروقي او رحمت شاه یو یو لوبغاړی وسوځولو.
د افغانستان لوبډلې د یاد هدف ترلاسه کولو پر مهال د پاکستان د تیز توپ اچوونکو سمه مقابله و نه شو کړای او ټوله لوبډله یې شلم اوور کې په ۵۹ منډو وسوځېدله او دغه راز پاکستان دا لوبه د ۱۴۲ منډو په ستر توپیر سره وګټله.
د پاکستان حارث رووف چې پنځه لوبغاړي یې سوځولي وو، د لوبې غوره لوبغاړی اعلان شو.
Views: 19
