د راپورونو له مخې، اسرائیل پر غزې هوایي بریدونه کړي چې په پایله کې لږ تر لږه ۶۹ کسانو ژوند له لاسه ورکړی دی.
اسوشیټېډ پرېس خبري اژانس راپور ورکړی چې دغه هوایي بریدونه تېره ورځ شوي دي چې له امله یې لږ تر لږه ۶۹ کسانو ژوند له لاسه ورکړی دی.
راپور کې ویل شوي چې د حماس غورځنګ خبرداری ورکړی چې د اسرائیلو نوي هوایي بریدونو اوربند مات کړی او د یرغمل شوو برخلیک یې له خطر سره مخ کړی دی.
د ۲۰۲۳ زېږدیز کال د اکتوبر په اوومه په غزه کې د حماس او اسرائیلي ځواکونو ترمنځ جګړه پیل شوه.
د راپورونو له مخې، په څه باندې یوه کال کې په غزه کې د اسرائیلو په بریدونو کې ۴۶۷۰۷ فلسطینیانو ژوند له لاسه ورکړی او څه باندې ۱۱۰ زره نور ټپيان شوي دي.
د روان کال مرغومې میاشت په وروستیو ورځو کې اسرائیل او حماس په غزه کې د اوربند او بندیانو خوشي کولو په تړاو هوکړې ته ورسېدل او دا هوکړه، د امریکا، مصر او قطر په منځګړیتوب لاسلیک شوه خو حماس وایي چې اسرائیلو اوربند او هوکړه مات کړي دي.
Views: 9
