د ملګرو ملتونو له ماشومانو د ملاتړ صندوق (یونیسف)وایي، د اټکل له مخې په روان ۲۰۲۵ زېږدیز کال کې به افغانستان کي د ۱۲ میلیونه ماشوماتو په ګډون ۲۲،۹ میلیونه کسان بشري مرستو ته اړتیا ولري.
د ملګرو ملتونو له ماشومانو د ملاتړ صندوق تېره ورځ په یوه راپور کې ویلي: «په ۲۰۲۵ کال کې اټکل کېږي چې ۲۲،۹ میلیون خلک چې ۱۲ میلیون ماشومان هم په کې شامل دي په افغانستان کې بشري مرستو ته اړتیا ولري.»
د یونیسف په راپور کې راغلي چې د اقلیم بدلون او طبیعي پېښو افغانستان کې بشري بحرانونه لا پسې زیات کړي او د خلکو د ژوند شرایط یې نور هم سخت کړي دي.
د یاد بنسټ راپور کې دا هم ویل شوي چې افغانستان ته له ګاونډیو هېوادونو ایران او پاکستانه د افغان کډوالو راستنېدل بشري مرستو ته اړتیا ډېره کړې.
یونیسف نه دي ویلي چې له یاد شېمر کسانو سره د مرستې لپاره څومره بوديجې ته اړتیا ده.
دا په اسې حال ده چې د ملګرو ملتونو د بشري مرستو همغږي کوونکي دفتر اوچا هم تېره ورځ په یوه راپور کې ویلي چې اوسمهال په افغانستان کې ۱۴.۸ میلیونه وګړي د خوړو د نه خوندیتوب سره مخ دي.
Views: 10
