د ملګرو ملتونو سازمان د بشري حقونو ځانګړی راپورورکوونکی ریچارډ بنیټ راتلونکې اونۍ په افغانستان کې د بشري حقونو د وضعیت په اړه د ملګرو ملتونو د بشري حقونو شورا ۵۸مې غونډې ته خپل راپور وړاندې کوي.
د ملګرو ملتونو سازمان د بشري حقونو شورا په اعلامیه کې راغلي چې د بشري حقونو د وضعیت څېړلو لپاره یې اته پنځوسمه ناسته راتلونکې دوشنبه (د کب ۶مه) د ملګرو ملتونو سازمان د سرمنشي انټونیو ګوټریش په وینا پیلېږي.
اعلامیه کې راغلي چې د ملګرو ملتونو سازمان د بشري حقونو ځانګړی راپورورکوونکی ریچارډ بنیټ راتلونکې اونۍ (د کب ۱۰مه) په افغانستان کې د بشري حقونو د وضعیت په اړه خپل راپور وړاندې کوي.
د ملګرو ملتونو سازمان د بشري حقونو شورا ویلي چې له هغه وروسته به د بشري حقونو عالي کمېشنر ولکر ترک، د ملګرو ملتونو سازمان د عمومي مجمع رییس او د سویس د بهرنیو چارو وزیر اګنازیو کاسیس په دې ناسته کې وینا وکړي.
Views: 4
