د راپورونو له مخې، د امریکا متحده ایالتونو کې یوه مسافروړونکې الوتکه له یوې چورلکې سره جنګېدلې او د پوټامیک سیند ته لوېدلې ده.
د امریکا غږ د راپور له مخې، دغه پېښه د واشنګټن ډيسي د رونالډ ریګن هوايي ډګر ته نږدې سیمه کې شوې ده.
راپور کې راغلي چې یاده مسافروړونکې الوتکه له یوې پوځي چورلکې سره جنګېدلې او بیا د پوټامیک سیند ته غورځېدلې ده.
سرچينې لیکلي، د ژغورنې او اضطرار ډلې په بېړه سیمې ته رسېدلې او د یاد هوايي ډګر ټولې الوتنې ځنډول شوې دي.
د سپینې ماڼۍ ویاندې کارولین لیویټ فاکس نیز ته ویلي چې ولسمشر ټرمپ د دې پېښې په اړه خبر شوی دی.
د الوتکو جنګېدو د دې پېښې د علت او په کې د اوښتي زیان په اړه تر اوسه معلومات نه دي ورکړل شوي.
Views: 15
