د افغانستان کرکټ ملي لوبډله له زمبابوې سره د درېیو نړۍوالو یو ورځنیو سیالیو په لړ کې نن خپله لومړۍ لوبه ترسره کوي.
کرکټ بورډ ویلي، ملي لوبډله به نن د درېیو نړۍوالو یو ورځنیو سیالیو لوبلړۍ په لومړۍ لوبه کې د زمبابوې لوبډلې پر وړاندې د سیالۍ ډګر ته کښته شي.
دغه لوبه به د افغانستان پر وخت د غرمې دوولس بجې د زمبابوې د پلازمېنې په هرارې لوبغالي کې ترسره شي.
افغان کرکټ ملي لوبډلې له دې مخکې له زمبابوې د شلاوریزو سیالیو لوبلړۍ ګټلې ده.
د یادونې ده، افغان لوبډله به له زمبابوې سره خپله دویمه لوبه د ډسمبر په ۱۹مه او درېیمه به بیا د همدې میاشتې په ۲۱مه ترسره کړي.
Views: 5
